आयुष्याची परीक्षा

आयुष्य जगताना मी 

 खुप वेळा चुकलो, 

 मग त्या चुकांतूनच 

 बरच काही शिकलो. 

 शिकायला दैवान 

 खुप काही शिकवलं, 

 काळाच्या दाढे खाली 

 मोडलं नाही वाकवलं. 

सुख हाती देता देता 

 दुःख देउन चकवलं, 

दिवसा पेक्षा अंधाराच 

 काळ रुप दाखवलं. 

मग त्या अंधारातच 

मी माझं दुःख झाकलं, 

झाकलेल्या दुःखाला 

 त्या अंधारातच टाकलं. 

 मनाशी पक्कं बांधलं 

 दुःखात सुख जाणायचं, 

एखाद्याच्या आनंदात 

 आपण आनंद मानायचं. 

एखाद्याच्या आनंदासाठी 

 जाणूनबूजून चुकायचं, 

 त्याच्या साठी वेळेला 

 स्वतःलाही मुकायचं. 

 जगताना असंच 

 खुप वेळा चुकायचं, 

 आयुष्य कसं जगायचं 

 ते चुकांतुनच शिकायचं. 

      गणेश दळवी ✍✍